МІНСК, 12 кра – Sputnik. Неабходнасці ўступлення Беларусі ў баявыя дзеянні няма і не будзе, сказаў журналістам прэзідэнт рэспублікі Аляксандр Лукашэнка перад сустрэчай у Крамлі са сваім расійскім калегам Уладзімірам Пуціным.
У беларускага кіраўніка дзяржавы спыталі, як ён ацэньвае такую верагоднасць. Аднак Лукашэнка заявіў, што такой неабходнасці няма.
"І не будзе такой неабходнасці. Я неяк сказаў напярэдадні, што Расіі зараз патрэбна такая Беларусь – мірная, ціхая, спакойная, якая робіць сваю справу. У дэталях я вам не буду расказваць, чым мы займаемся і гэтак далей", - цытуе яго БелТА.
Прэзідэнт Беларусі дадаў, што напярэдадні абмяркоўваў з расійскім лідарам тэму Украіны.
"Я ж не адмаўляюся, што мы "суагрэсары". Кожны робіць сваю справу. Але я шчыра кажу: ні я, ні Пуцін не хочам, каб пакутаваў брацкі нам украінскі народ. Не хочам!" - падкрэсліў Лукашэнка.
Гэтая вайна патрэбна НАТА
Паводле яго слоў, заклікі да Беларусі ўступіць у вайну з Украінай працуюць выключна на карысць НАТА.
"Гэта яны хочуць і робяць усё, каб нас уцягнуць у вайну з Украінай", - канстатаваў беларускі лідар.
Ён нагадаў, што працягласць фронту ва ўкраінскім канфлікце складае каля 1 тысячы кіламетраў, а мяжа Беларусі з Украінай – 1 500 км. Такая ж працягласць мяжы на заходнім напрамку – з Літвой, Латвіяй і Польшчай.
"Тры тысячы кіламетраў нам з вамі давядзецца гэты фронт закрыць, калі мы ўступім у вайну", - дадаў Лукашэнка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"