Лукашэнка прыбыў у Расію з двухдзённым візітам 11 красавіка, перагаворы кіраўнікоў дзяржаў напярэдадні працягнуліся чатыры гадзіны.
Раней паведамлялася, што на пятніцу 12 красавіка ў кіраўнікоў дзяржаў запланавана сумеснае мерапрыемства з нагоды Дня касманаўтыкі. Як чакаецца, прэзідэнты падвядуць вынікі місіі на МКС, дзе ўпершыню ў гісторыі працаваў экіпаж Саюзнай дзяржавы, а таксама паразмаўляюць з касманаўтамі і абмяркуюць далейшыя перспектывы супрацоўніцтва ў касмічнай сферы.
Сам Лукашэнка заяўляў, што, акрамя іншых пытанняў, мае намер абмеркаваць "будзённыя справы" і будучыню беларускай касманаўтыкі.
Прэзідэнты ўжо паразмаўлялі ў фармаце "адзін на адзін", пасля чаго, як паведамляе Telegram-канал "Пул Першага", адбылася сустрэча з удзельнікамі 21-й экспедыцыі на МКС, яна працягвалася каля гадзіны.
Падчас яе Аляксандр Лукашэнка і Уладзімір Пуцін паразмаўлялі па тэлефоне са шматдзетнай сям’ёй Пяк – патомнымі аленяводамі, якія жывуць у тундры на Ямале.
Раней на сустрэчы расійскага лідара з пераможцамі і ўдзельнікамі ўсерасійскіх сямейных конкурсаў кіраўнік шматдзетнай сям’і аленяводаў расказаў, што 12 красавіка яны з жонкай Зояй адзначаць 50-годдзе сумеснага жыцця.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"