МІНСК, 15 кра – Sputnik. Больш за 866 тысяч жыхароў Еўрапейскага саюза наведалі Беларусь за два гады ў рамках дзеяння бязвізавага рэжыму, паведамілі ў Дзяржаўным пагранічным камітэце рэспублікі.
"З пачатку дзеяння бязвізавага рэжыму ў Беларусь прыбыў 866 771 замежнік", - гаворыцца ў паведамленні.
Па даных ДПК, з іх 528,3 тыс грамадзян Літвы, 200,4 тыс грамадзян і 60,1 тыс неграмадзян Латвіі, а таксама 77,7 тыс палякаў.
Усяго з 1 студзеня бягучага года бязвізавым парадкам уезду ў Беларусь скарысталіся 66,1 тыс замежнікаў з Еўрасаюза.
У Беларусь па бязвізе
Па даных Дзяржпагранкамітэта, у мінулым годзе беларускую мяжу перасеклі ў бязвізавым парадку больш за 415,6 тыс грамадзян сумежных дзяржаў Еўрасаюза, больш за ўсё сярод іх грамадзян Літвы – каля 247 тысяч.
Жыхароў Латвіі за мінулы год заехала ў Беларусь каля 126 тыс, а грамадзян Польшчы – больш за 42,7 тыс. Акрамя гэтага, больш за 76,7 тыс украінцаў прыбылі ў рэспубліку.
Бязвізавы рэжым для грамадзян сумежных еўрапейскіх дзяржаў беларускія ўлады ўвялі яшчэ ў 2022 годзе. Затым ён працягваўся, а ў снежні 2023-га было прынята рашэнне пралангаваць бязвізавы ўезд на ўвесь 2024 год.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"