МІНСК, 18 кра – Sputnik. Старшыня праўлення ПАТ "Газпром" Аляксей Мілер і пасол Беларусі ў Расіі Дзмітрый Крутой абмеркавалі пастаўкі газу ў рэспубліку. Сустрэча адбылася ў офісе кампаніі ў будынку "Лахта-центр" у Санкт-Пецярбургу, паведамляе "Газпром".
"Бакі абмеркавалі ход паставак газу ў рэспубліку. Адзначана, што "Газпром", як і раней, забяспечвае надзейнае газазабеспячэнне беларускіх спажыўцоў у час абагравальнага сезона", - гаворыцца ў паведамленні.
Пастаўкі газу вядуцца, як раней, праз ААТ "Газпром трансгаз Беларусь", канчатковым уласнікам якога на 100% з’яўляецца ПАТ "Газпром". Не так даўно расійская кампанія вырашыла не браць дывідэнды з беларускай "дачкі" і пакінуць прыбытак за 2023 год у распараджэнні "Газпром трансгаз Беларусь".
Пры гэтым цана на газ для Беларусі ўзгоднена да 2025 года і пакуль што не мяняецца. Яна складае 128,5 долара за тысячу кубаметраў.
Аб’ёмы спажывання газу ў Беларусі апошнім часам змяншаюцца, бо краіна пачала выкарыстоўваць энергію БелАЭС. У лютым 2024 года міністр энергетыкі рэспублікі Віктар Каранкевіч паведамляў, што станцыя дапамагла зэканоміць 6,7 млрд кубаметраў газу.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"