МІНСК, 9 мая – Sputnik. Каб умець выкарыстоўваць тактычную ядзерную зброю, трэба трэніравацца, заявіў беларускі лідар Аляксандр Лукашэнка пасля цырымоніі ўскладання кветак да манумента Перамогі ў Мінску.
Раней у Маскве кіраўнік дзяржавы паведаміў, што Беларусь і Расія вырашылі сінхранізаваць вучэнні з нестратэгічнай ядзернай зброяй на другім і трэцім этапах. Паводле яго слоў, першы этап вучэнняў з тактычнай ядзернай зброяй беларуская і расійская армія праводзілі сёлета самастойна.
Раптоўная праверка
Напярэдадні афіцыйнага візіту ў расійскую сталіцу Аляксандр Лукашэнка паведаміў, што будзе абмяркоўваць са сваім расійскім калегам сумесныя дзеянні па адпрацоўцы выкарыстання ядзерных спецыяльных боепрыпасаў падчас раптоўнай праверкі ў войсках, якую ён аб’явіў 7 мая.
Пры гэтым беларускі лідар акцэнтаваў увагу, што тактычная ядзерная зброя з’яўляецца стрымальнай і ніхто з ёй у наступленне ісці не збіраецца.
У рамках раптоўнай праверкі ў беларускай арміі адпрацоўваецца падача спецыяльных боепрыпасаў у ракетныя і авіяцыйныя вайсковыя часці. Ваенныя адпрацавалі пытанні загрузкі ТЯЗ на пускавыя ўстаноўкі і падвескі на франтавыя бамбардзіроўшчыкі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"