МІНСК, 10 мая – Sputnik. Больш за 2 955 грузавых і легкавых аўтамабіляў стаяць у чэргах на межах Беларусі з сумежнымі краінамі Еўрасаюза, пра гэта сведчаць даныя беларускага пагранкамітэта.
У пятніцу, паводле звестак на 8:00, самая вялікая чарга з фур фіксуецца на мяжы Беларусі з Літвой. Там у двух дзеючых пунктах пропуску цяпер знаходзіцца 1 090 машын, з іх у ПП "Каменны Лог" – 640 фур і 450 – у пункце "Беняконі".
На беларуска-польскай мяжы таксама ўтварылася вялікая чарга – звыш 800 велікагрузаў спрабуюць выехаць з Беларусі на тэрыторыю Польшчы праз пагранпераход "Казловічы".
На мяжы Беларусі і Латвіі таксама ёсць чарга ў 400 грузавых машын. Усе яны знаходзяцца ў пункце пропуску "Грыгароўшчына".
Сітуацыя з легкавушкамі
Складанай застаецца і сітуацыі з чэргамі з легкавога транспарту, значная колькасць аўто таксама адзначаецца па ўсіх напрамках.
Так, у пункце пропуску "Каменны Лог" на літоўскім напрамку, згодна з электроннай чаргой, знаходзіцца 120 машын, а ў "Беняконях" – 130.
У пагранпераходзе "Брэст" на мяжы Беларусі з Польшчай легкавушак значна больш – 345. У гэтым жа пункце пропуску ёсць і чарга з 30 рэйсавых аўтобусаў.
На мяжы Беларусі з Латвіяй чарга крыху меншая. Выехаць з Беларусі праз пункт пропуску "Грыгароўшчына" спрабуюць 70 машын.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"