МІНСК, 16 мая – Sputnik. Сакратар Савета бяспекі Расіі Сяргей Шайгу заявіў, што на новай пасадзе яго галоўнай задачай застаецца спецаперацыя ва Украіне.
"Галоўнай задачай па-ранейшаму застаецца спецыяльная ваенная аперацыя. Гэта, вядома, вытворчасць боепрыпасаў, гэта ўзбраенне, ваенная тэхніка. Я лічу, што для нас усіх сёння – гэта галоўная, асноўная задача", - сказаў Шайгу ў інтэрв’ю журналісту Паўлу Зарубіну.
Ён адзначыў, што расійская армія вядзе наступленне на ўсіх напрамках у зоне СВА, якое "ідзе даволі нядрэнна".
Сакратар Савета бяспекі выказаў надзею на тое, што і надалей будзе такі ж рух – для гэтага створаны пэўныя рэзервы па людзях, тэхніцы і боепрыпасах.
Ваенныя прасоўваюцца
Расійскія вайскоўцы прасоўваюцца ў глыбіню абароны ўкраінскіх вайскоўцаў на розных кірунках.
У тым ліку яны наступаюць на Харкаўскім напрамку і ўжо вызвалілі частку населеных пунктаў у рэгіёне.
Расійскае абароннае ведамства раней паведамляла, што вайскоўцы ў складзе паўночнай групоўкі на працягу 24 гадзін прайшлі ў глыбіню абароны украінскай арміі. Яны вызвалілі населеныя пункты Гацішча, Красное, Марахавец, Алейнікава, Барысаўка, Агурцова, Пляценёўка, Пыльная, Глыбокае, Лук’янцы і Стралечча ў Харкаўскай вобласці.
Акрамя таго, нядаўна быў вызвалены важны населены пункт Рабоціна ў Запарожскай вобласці.
Назначэнне Шайгу
Расійскі лідар Уладзімір Пуцін 12 мая прызначыў Сяргея Шайгу, які раней займаў пасаду кіраўніка Мінабароны краіны, сакратаром Савета Бяспекі РФ.
Шайгу ўзначальваў расійскае абароннае ведамства з 6 лістапада 2012 года.
Новым міністрам абароны Расіі стаў Андрэй Белавусаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"