МІНСК, 20 мая – Sputnik. Прэзідэнт Беларусі Аляксандр Лукашэнка накіраваў спачуванні Вярхоўнаму лідару Ісламскай Рэспублікі Іран Алі Хаменеі ў сувязі з гібеллю прэзідэнта Ірана Эбрахіма Раісі і шэрага высокапастаўленых чыноўнікаў, паведаміла ў панядзелак прэс-служба кіраўніка дзяржавы.
Раней віцэ-прэзідэнт Ірана Махмен Мансуры пацвердзіў гібель прэзідэнта Эбрахіма Раісі і асоб, якія яго суправаджалі, пры крушэнні верталёта.
Беларускі лідар адзначыў, што паведамленне аб гібелі прэзідэнта Ірана і шэрага высокапастаўленых кіраўнікоў у Беларусі ўспрынялі з глыбокім смуткам.
Лукашэнка падкрэсліў, што з жыцця пайшлі выдатныя сыны іранскага народа, чыя актыўная работа садзейнічала ўмацаванню і росту высокага статусу Ірана на міжнароднай арэне.
Прэзідэнт Эбрахім Раісі, як адзначыў Лукашэнка, застанецца ў гісторыі як мудры лідар, які ўсё сваё жыццё прысвяціў служэнню іранскаму народу.
"Я назаўжды захаваю самыя цёплыя ўспаміны аб сустрэчах і размовах са спадаром прэзідэнтам, які быў сапраўдным сябрам Беларусі і шмат клапаціўся аб развіцці беларуска-іранскага супрацоўніцтва. Яго імя назаўжды ўнесена ў летапіс адносін нашых краін", - гаворыцца ў спачуванні.
Лукашэнка ад імя беларускага народа і сябе асабіста выказаў таксама шчырыя спачуванні іранскаму народу і словы падтрымкі родным і блізкім загінулых.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"