МІНСК, 21 мая – Sputnik. Манголія павінна стаць наступнай дзяржавай, якая можа атрымаць статус паўнапраўнага члена Шанхайскай арганізацыі супрацоўніцтва (ШАС), заявіў кіраўнік Міністэрства замежных спраў РФ Сяргей Лаўроў.
"Мы лічым, разам з КНР, з іншымі партнёрамі, што відавочны кандыдат, наступны кандыдат на ўступленне ў ШАС – гэта менавіта мангольскі бок", - сказаў ён на прэс-канферэнцыі ў аўторак.
Па яго словах, гэтая краіна, калі паглядзець на карту, арганічна ўпісваецца ў прастору арганізацыі.
"Мы будзем стымуляваць нашых мангольскіх суседзяў да прыняцця такога рашэння, усе члены ШАС выступаюць адназначна "за", - падкрэсліў Лаўроў.
ШАС – міжнародная арганізацыя, якая была заснавана ў 2001 годзе, у яе ўваходзяць Іран, Індыя, Кітай, Казахстан, Кыргызстан, Расія, Пакістан, Таджыкістан і Узбекістан. Краінамі-назіральнікамі з’яўляюцца Афганістан, Беларусь і Манголія, партнёрамі – Арменія, Азербайджан, Непал, Камбоджа, Турцыя, ААЭ і Шры-Ланка.
У ліпені 2023 года на саміце ШАС у Нью-Дэлі Беларусь падпісала мемарандум аб абавязацельствах для атрымання статусу дзяржавы-члена ШАС. Чакаецца, што рэспубліка далучыцца да арганізацыі на саміце ў Астане.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"