МІНСК, 28 мая – Sputnik. Беларуская авіякампанія "Белавія" з аўторка, 28 мая, аднаўляе прамыя рэйсы па маршруце Мінск – Мурманск, якія будуць выконвацца раз на тыдзень, паведамляе Sputnik.
Расклад рэйсаў будзе выглядаць наступным чынам:
вылет з Мінска – 10:00, прыбыццё ў Мурманск – 12:45;
вылет з Мурманска – 13:45, прыбыццё ў Мінск – 16:25.
Раней у "Белавія" інфармавалі, што з канца мая па ліпень у Мурманску надыходзіць палярны дзень – у гэты час у рэгіёне можна ўбачыць чырвона-жоўты світанак, доўгія прыцемкі і яркае сонца, якое не заходзіць за гарызонт.
Аднаўленне авіязносін расійскага рэгіёна і беларускай сталіцы анансаваў губернатар Мурманскай вобласці Андрэй Чыбіс. Паводле яго слоў, самалёты будуць курсіраваць паміж гарадамі з 28 мая па 17 верасня.
Авіякампанія ўжо лятала па гэтым маршруце ў мінулым годзе, але потым рэйс быў адменены.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"