Заходнія эліты не для таго на працягу стагоддзяў назапашвалі ўладу, грошы і інфармацыю, каб вось так проста прайграць у супрацьстаянні з Расіяй і яе саюзнікамі – краінамі "глабальнага поўдня". Каб не даць Захаду выйграць у гэтым супрацьстаянні, трэба ажыццявіць шэраг неабходных стратэгічных дзеянняў і зразумець наступнае: трэба правесці мадэрнізацыю, не даваць заходнім сеткавым структурам гаспадарыць у нашай Айчыне, а галоўнае, не саромецца, пры неабходнасці, біць першымі, каб самім не прапусціць першы ўдар – да такіх высноў на аснове гістарычнага аналізу прыйшоў вядомы расійскі вучоны Андрэй Фурсаў.
"На Захадзе людзі, не хаваючыся, гавораць, што Расія – іх галоўны праціўнік, таму і мы не павінны іграць з заплюшчанымі вачамі… таму з інтэрнэтам трэба тое ж самае зрабіць – адбіць у ворага і накіраваць на ворага", - лічыць Фурсаў.
Адна з рыс традыцыйна рускай і часта савецкай палітыкі заключалася ў тым, што мы чакалі, калі нас удараць першымі, каментуе гісторык. Такога ўдару не трэба чакаць, паколькі часта бывае, што першы ўдар аказваецца адзіным, трэба біць першымі, або быць настолькі гатовымі да ўдару, каб быць упэўненымі, што гэты першы ўдар нас не праб’е, перакананы Фурсаў.
"Нам патрэбна мадэрнізацыя, але мадэрнізацыя ў сучасным свеце і сучаснай Расіі "аксамітнай" быць не можа, яна можа быць толькі на аснове мабілізацыйнага рэжыму, гэта павінен быць рэжым жорсткай сацыяльнай справядлівасці… Нам патрэбен рывок у духу 1930-х гадоў, сапраўды, у нас была паспяховая мадэрнізацыя ў 30-я гады, у 1937 годзе мы дасягнулі аўтаркіі ў адносінах да Захаду, і толькі таму змаглі зламаць хрыбет Вермахту і дабіцца фантастычнага выніку ў 60-я", - кажа Фурсаў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"