Гэта першы дзяржаўны візіт першага прэзідэнта Беларусі ў Манголію, падкрэсліў Лукашэнка на перагаворах з Ухнаагійнам Хурэлсухам у фармаце адзін на адзін.
Сустрэча двух лідараў прайшла з асаблівым каларытам – у прэзідэнцкім палацы ва Улан-Батары, дзе мангольскі лідар прыняў беларускага госця, спецыяльна для перагавораў была пабудавана юрта, упрыгожаная ў мангольскіх традыцыях – масіўнай мэбляй з арнаментам, атрыбутамі мангольскай культуры і творамі мастацтва.
На сцяне за крэсламі двух прэзідэнтаў можна было ўбачыць традыцыйны атрыбут мангольскіх стэпавых паляўнічых – калчан са стрэламі, нацыянальны музычны інструмент марынхуур (мангольская скрыпка) і вялікі партрэт заснавальніка і першага вялікага хана Мангольскай імперыі Чынгізхана.
Нягледзячы на тое, што цяперашні візіт праходзіць упершыню, дзве краіны, паводле слоў Лукашэнкі, даўно звязваюць сяброўскія адносіны яшчэ з часоў СССР. Беларускі лідар у час сустрэчы ўзгадаў Вялікую Айчынную вайну, на франтах якой беларусы і манголы ваявалі разам, таксама сумеснымі намаганнямі вялося і пасляваеннае аднаўленне.
"Мы сёння прыехалі як пасланцы добрай волі, як вашыя сябры, каб паглыбіць і пашырыць нашы адносіны", - сказаў Лукашэнка.
Эканамічнае ўзаемадзеянне паміж дзвюма краінамі пакуль што вымушае жадаць лепшага, адзначыў беларускі госць, але беларускі бок гатоў унесці свой уклад у гэтую задачу, калі на тое будзе жаданне мангольскага боку.
"Мы гатовы прапанаваць вам варыянты і кантракты самых тэхналагічных дзеянняў прадпрыемстваў на тэрыторыі Манголіі і Беларусі", - падкрэсліў Лукашэнка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"