МІНСК, 5 чэр – Sputnik. Спажыўкааперацыя зможа арганізаваць харчаванне войск тэрытарыяльнай абароны ў ваенны час, заявіла старшыня праўлення Белкаапсаюза Інэса Караткевіч на сустрэчы з дэпутатамі Палаты прадстаўнікоў, перадае карэспандэнт Sputnik.
"Адзінае, вядома, складана будзе ў 23 раёнах, дзе няма ўжо нас, як наогул нашай дзейнасці", - сказала Караткевіч.
Гэтую праблему, паводле яе слоў, можна вырашыць праз пераразмеркаванне рэсурсаў, гэта значыць за кошт бліжэйшых рэгіёнаў.
Караткевіч дадала, што ў Белкаапсаюза зараз ёсць 779 аб’ектаў грамадскага харчавання на 41 тыс месцаў. Таксама ўсяго па краіне працуюць 113 нарыхтоўчых цэхаў.
"...Цэхі кандытарскія па вытворчасці паўфабрыкатаў рыбныя, кулінарныя. Безумоўна, яны дадуць магчымасць забяспечыць харчаваннем пры неабходнасці тэрытарыяльныя войскі", - запэўніла старшыня праўлення.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"