МІНСК, 6 чэр – Sputnik. Расійскі крэдыт для Беларусі на праект па замяшчэнні імпарту поўнасцю павыбіраны, паведаміў статс-сакратар – намеснік кіраўніка Мінпрамгандлю Расіі Віктар Еўтухоў на сесіі па Саюзнай дзяржаве XXVII Пецярбургскага міжнароднага эканамічнага форуму (ПМЭФ-2024).
"Крэдыт гэты павыбіраны – 26 пашпартоў праектаў. Цяпер яшчэ два паступілі. Ужо на адзін з іх грошай не хопіць", - сказаў Еўтухоў.
Намеснік міністра не выключыў павелічэнне крэдытнай лініі, але адзначыў, што прыняцце такіх рашэнняў – не яго ўзровень. На думку Еўтухова, дзякуючы крэдыту ўдалося зрабіць шмат, у тым ліку запусціць праграму ў галіне авіябудавання.
Размова ідзе аб зборцы і серыйнай вытворчасці беларуска-расійскіх самалётаў "Освей" на 558-м авіяцыйным заводзе ў Баранавічах. Плануецца, што асноўным распрацоўшчыкам паветраных суднаў будзе Уральскі завод грамадзянскай авіяцыі, а беларускае прадпрыемства стане сувыканаўцам работ па распрацоўцы доследных экзэмпляраў.
Гэта адзін з праектаў, на якія РФ адкрыла крэдытную лінію ў 105 млрд расійскіх рублёў (каля 3,8 млрд у беларускіх рублях). Першапачаткова планавалася 12 імпартазамяшчальных кааперацыйных праектаў, але потым іх колькасць вырасла.
Акрамя самалётаў гэта, напрыклад, мікраэлектроніка, якую будуць вырабляць на беларускіх прадпрыемствах "Планар" і "Інтэграл". Ёсць таксама праекты ў энергетычным машынабудаванні, аўтапраме, стварэнні сельгасмашын, фармацэўтыцы.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"