МІНСК, 11 чэр – Spitnik. Расійскімі спецслужбамі ўстаноўлена дачыненне ўкраінскай ваеннай разведкі да тэракта ў падмаскоўным "Крокус Сити Холле", пра гэта заявіў старшыня Нацыянальнага антытэрарыстычнага камітэта (НАК), дырэктар ФСБ Аляксандр Бортнікаў.
Па словах Бортнікава, украінскія і заходнія спецслужбы пашыраюць кола магчымых выканаўцаў, якіх вярбуюць для выканання ў Расіі рэзанансных злачынстваў – у тым ліку з выкарыстаннем працоўных мігрантаў. Яны таксама аказваюць садзейнічанне ў падрыхтоўцы і аснашчэнні міжнародным тэрарыстычным арганізацыям.
"Паказальным прыкладам з’яўляецца ўстаноўленае намі дачыненне ваеннай разведкі Украіны да тэракта ў падмаскоўным "Крокус сити холле", - паведаміў старшыня НАК.
Тэракт у "Крокусе"
Тэрарыстычны акт у канцэртнай зале "Крокус Сити Холл" у падмаскоўным Краснагорску адбыўся 22 сакавіка: злачынцы адкрылі агонь з аўтаматаў па людзях, якія знаходзіліся ў будынку, пасля чаго падпалілі глядзельную залу.
Тэракт забраў жыцці 145 чалавек, сярод іх былі таксама грамадзяне Беларусі. Пацярпелымі прызнаны больш за 1 700 чалавек.
Праца па ўстанаўленні ўсіх, хто мае дачыненне да тэракта, працягваецца. Затрыманы больш за 20 чалавек, у тым ліку выканаўцы і іх саўдзельнікі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"