МІНСК, 12 чэр – Sputnik. Роўна 90 гадоў таму ў беларускай сталіцы быў адкрыты Нацыянальны алімпійскі стадыён "Дынама".
Гэта шматфункцыянальная арэна сусветнага ўзроўню і галоўная спартыўная пляцоўка Беларусі размешчана ў самым цэнтры Мінска, недалёка ад плошчы Незалежнасці і чыгуначнага вакзала.
За гэтыя гады стадыён прымаў спаборніцтвы Алімпіяды 1980-га, II Еўрапейскія гульні 2019-га і II Гульні краін СНД у 2023-м.
У 2012-м пачалася маштабная рэканструкцыя гэтай спартыўнай пляцоўкі, якая завяршылася за год да адкрыцця ІІ Еўрапейскіх гульняў. Абноўлены стадыён "Дынама" расчыніў свае вароты і ўпусціў першых гледачоў 21 чэрвеня 2018 года.
У сваім віншаванні з юбілеем галоўнай спартыўнай арэны краіны прэзідэнт Беларусі Аляксандр Лукашэнка адзначыў, што пасля рэканструкцыі "Дынама" ператварыўся ў прыгожую суперсучасную арэну "з непаўторным абліччам, якое ўвасабляе багатыя спартыўныя традыцыі Беларусі".
Кіраўнік дзяржавы таксама перакананы, што гэты алімпійскі стадыён і ў далейшым будзе дынамічна развівацца, застаючыся не толькі адным з галоўных сімвалаў Мінска і Беларусі, але і кузняй новых перамог, месцам прыцягнення для падрастаючых пакаленняў актыўных беларусаў.
З гісторыяй самага народнага стадыёна краіны можна азнаёміцца ў спецыяльным праекце Sputnik.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"