Мінабароны Расіі ў сераду раніцай паведаміла, што асабовы склад ЛВА адпрацуе падрыхтоўку да пускаў ракет падчас другога этапу вучэнняў па выкарыстанні нестратэгічных ядзерных сіл.
Разлікі "Искандеров" атрымалі задачу скрытна вылучыцца ў раён правядзення вучэнняў, атрымаць навучальныя боепрыпасы і выканаць ракетныя пускі.
На кадрах, апублікаваных Мінабароны, паказана, як разлікі АТРК "Искандер-М" вылучаюцца ў раён вучэнняў у суправаджэнні бранятэхнікі. Паказана таксама пагрузка на караблі Ваенна-марскога флоту РФ вучэбна-баявых частак крылатых ракет – ваенныя судны выйдуць у раёны патрулявання.
Расійскае абароннае ведамства раней паведаміла аб пачатку другога этапу манеўраў нестратэгічных ядзерных сіл. У ходзе вучэння будуць адпрацоўвацца пытанні сумеснай падрыхтоўкі расійскіх і беларускіх вайскоўцаў да выкарыстання тактычнай ядзернай зброі.
Міністр абароны Беларусі Віктар Хрэнін запэўніў, што ўдзел Мінска ў гэтых вучэннях – гэта не пагроза іншым дзяржавам.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"