МІНСК, 12 чэр – Sputnik. Дагавор аб супрацоўніцтве падпісалі школа №101 Мінска і Фруктоўская сярэдняя школа №19 Мелітопальскага раёна Запарожскай вобласці, паведаміў на прэс-канферэнцыі ў мультымедыйным прэс-цэнтры Sputnik у сераду старшыня ГА "Рух Саюз" Сяргей Лушч.
Гэтымі днямі дэлегацыя студэнтаў і школьнікаў з Мелітопаля ў складзе 32 чалавек знаходзіцца ў беларускай сталіцы. Хлопчыкі і дзяўчынкі наведваюць памятныя мясціны і славутасці Беларусі. Візіт арганізаваны ў рамках праекта "На абароне рубяжоў сваёй Айчыны" і падтрымліваецца некалькімі грамадскімі і некамерцыйнымі арганізацыямі.
Старшыня ГА "Рух Саюз" Сяргей Лушч
© Sputnik / Виктор Толочко
"Для "Руху Саюз" гэта працяг нашай працы з гістарычнымі тэрыторыямі Расійскай Федэрацыі. Нам вельмі прыемна, што мы знаходзім і пашыраем кола сваіх знаёмстваў. Вельмі рады за калег, таму што ўчора адбылося падпісанне пагаднення са 101 школай Маскоўскага раёна Мінска. А гэта адна з сувязных нітачак, якая ў далейшым, я ўпэўнен, дасць свой станоўчы плён", - сказаў Лушч.
Паводле яго слоў, гэта пагадненне прадугледжвае далейшае супрацоўніцтва і правядзенне сумесных мерапрыемстваў, у тым ліку маладзёжных даследаванняў у сферы патрыятычнага выхавання і культурна-гуманітарнай дзейнасці.
Старшыня грамадскай структуры таксама адзначыў, што па выніках гэтага візіту будзе прапрацоўвацца "дарожная карта" супрацоўніцтва па мностве напрамкаў.
Лушч таксама расказаў, што ў Мелітопалі ёсць беларускае зямляцтва і запэўніў, што "Рух Саюз" будзе дапамагаць "нашым землякам падтрымліваць нашу нацыянальную культурную аўтаномію".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"