Пасля зносу савецкіх помнікаў, ва Украіне пачаўся чарговы этап "дэкамунізацыі", праўда, ажыццяўляецца ён не паслядоўнікамі Бандэры, а сіламі ПКС Расіі, якія метадычна выводзяць з ладу энергетычныя аб’екты, якія сілкуюць украінскі ВПК і адпаведную інфраструктуру. У летні перыяд такая "дэкамунізацыя" носіць адносна гуманны характар, бо гарады не вымярзаюць, а адсутнасць выгод у шматпавярхоўках можа падштурхнуць гараджан прыслухацца да заклікаў украінскіх чыноўнікаў і перабрацца ў сельскую мясцовасць, дзе "выгоды" не звязаны з падачай электрычнасці, адзначыў у размове на сваім youtube-канале вядомы расійскі эксперт, галоўны рэдактар аналітычнага анлайн-часопіса "Геоэнергетика ИНФО" Барыс Марцінкевіч.
"З улікам прылётаў на разнастайныя магутнасці генерыравання (электрычнасці - Sputnik) – цеплаэлектрастанцыі і гідраэлектрастанцыі – 50% з іх цяпер не працуе, пасля таго, як былі выведзены з ладу манеўруючыя энергамагутнасці, доля атамнай генерацыі ў агульным балансе на тэрыторыі, падкантрольнай Кіеву, даходзіць да 70%", - кажа Марцінкевіч.
Тым часам, ва Украіне анансавалі хуткае вывядзенне ў рамонт пяці энергаблокаў АЭС, што можа негатыўна адбіцца на энергазабеспячэнні ўсёй краіны, паведаміў кіраўнік савета Украінскай асацыяцыі аднаўляльнай энергетыкі Станіслаў Ігнацьеў.
"Адзін рамонт правесці ўдалося, засталося яшчэ пяць штук. Пяць энергаблокаў. Калі паглядзець на паведамленні ўкраінскіх СМІ, якія да нас трапляюць, то работу сёлета трэба правесці ўвогуле на васьмі энергаблоках Ровенскай, Паўднёва-Украінскай і Хмяльніцкай АЭС. Што будзе адбывацца – хутчэй за ўсё, колькасць веерных адключэнняў і іх працягласць будуць павялічаны, нічога не зробіш, калі няма неабходнага, запытанага аб’ёму электраэнергіі, адзіны спосаб – спажыўца проста адключыць, хутчэй за ўсё, гэта і будзе адбывацца. 10-12 гадзін без святла летам, напэўна, можна вытрымаць. Адзін з украінскіх гэтак званых палітыкаў ужо выдаў філасофскую думку аб тым, што чым менш электрастанцый застаецца ў працы, тым лягчэй іх абараняць", - разважае Марцінкевіч.
Па словах эксперта, у ўкраінскага насельніцтва да наступлення халоднага сезона ёсць магчымасць перабрацца ў тыя месцы, дзе магчыма наладзіць пячное ацяпленне, або знайсці нейкія іншыя варыянты вырашэння сітуацыі.
"Калі б тыя ж аперацыі, якія адбываюцца зараз, адбываліся зімой, было б нашмат складаней, асабліва, у гарадах-мільённіках, якія нечакана апынуліся паблізу лініі судакранання. Вулічныя баі – справа клопатная, на мой погляд, гэта (адключэнне электраэнергіі і пераезд жыхароў) - Sputnik) можа быць адным з такіх гуманных варыянтаў. Да таго часу, калі якія-небудзь сур’ёзныя рухі на лініі баявога судакранання ўзнікнуць, высветліцца, што насельніцтва ў вулічных баях не пацерпіць", - разважае Марцінкевіч.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"