МІНСК,19 чэр – Sputnik. Ратавальнікі краін Садружнасці могуць падзяліцца вопытам адзін з адным, сказаў кіраўнік МНС Беларусі Вадзім Сіняўскі на пасяджэнні Міждзяржаўнага савета па НС пры СНД, перадае карэспандэнт Sputnik.
Паводле яго слоў, гэты савет быў створаны ў 1993 годзе, яго работа падсправаздачна ўрадам краін СНД, якія ратыфікавалі пагадненне аб яго стварэнні.
"За гады працы назапасіўся сур’ёзны вопыт развіцця выратавальных ведамстваў, таму нам ёсць чым падзяліцца: вопыт работы кожнага міністэрства па надзвычайных сітуацыях нашых краін, расказаць аб дасягнутых выніках, пытаннях прадухілення, прафілактыкі, пытаннях рэагавання і ліквідацыі", - расказаў Сіняўскі.
Ён нагадаў, што гэты год аказаўся няпростым для ратавальнікаў у Расіі, Казахстане, дзе рэгіёны перажылі паводкі.
"Важна атрымаць ад іх, як першакрыніцы, інфармацыю, з чым яны сутыкнуліся, якія былі недагляды ў пытаннях ранняга выяўлення такіх рэчаў, што трэба дадаткова зрабіць", - адзначыў Сіняўскі.
Пры гэтым ён удакладніў, што гэта праблематыка актуальная для Гомельскай і Віцебскай абласцей, дзе таксама здараюцца падтапленні.
У сваю чаргу беларускі бок гатоў падзяліцца сваім вопытам па папярэджанні і барацьбе з ляснымі пажарамі.
На думку міністра, калегам з краін Садружнасці будзе цікавы вопыт Беларусі па развіцці супрацоўніцтва са СМІ.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"