МІНСК, 20 чэр – Sputnik. Белкаапсаюз прыступіў да нарыхтоўкі чарніц і лісічак, расказала на прэс-канферэнцыі начальнік упраўлення нарыхтовак і знешнеэканамічнай дзейнасці арганізацыі Аксана Скіндэр.
Цана на чарніцы, па словах спецыяліста, вагаецца ад 6 да 8 рублёў у залежнасці ад рэгіёна. Аднак не ўсе вобласці масава пачалі нарыхтоўку лясной ягады: паводле яе слоў, Віцебшчына і Магілёўшчына плануюць адкрыць сезон у бліжэйшыя выхадныя.
Лісічкі арганізацыі спажыўкааперацыі закупляюць у насельніцтва за 6-10 рублёў за кілаграм.
Акрамя таго, адзначыла прадстаўнік Белкаапсаюза, пачала закупляцца ўжо і маладая бульба – яе кошт складае 1,5 руб за кіло.
"Мы ўжо масава прадаём капусту маладую, пекінскую капусту, маладую бульбу. Пайшлі буракі ў паўднёвых рэгіёнах, кабачкі – уся тая агародніна, якую сёння ў якасці лішкаў можа прапанаваць нам як сельскі жыхар, так і фермерскія гаспадаркі", - сказала Скіндэр.
Што да цэн на такую сезонную прадукцыю, як агуркі і суніца садовая, спецыяліст растлумачыла, што яны вагаюцца. У Лунінцы – знакамітай "клубнічнай сталіцы" Беларусі – цана на суніцу садовую стартуе ад 3 рублёў (у залежнасці ад гатунку, памеру і пакупніцкага попыту). У "агурочнай сталіцы" Століне цэны на агуркі пачынаюцца ад 70 капеек.
Ягадны экспарт
Каменціруючы пастаўкі сезоннай прадукцыі за мяжу, прадстаўнік Белкаапсаюза нагадала, што Літва поўнасцю закрыта для харчавання з рэспублікі. У цэлым жа еўрапейскі рынак, паводле яе слоў, увёў мытную пошліну 12% пры пастаўцы прадукцыі з суседняй Беларусі.
"Гэта зніжае канкурэнтаздольнасць беларускай прадукцыі на еўрапейскім рынку, але галоўным стратэгічным нашым партнёрам ужо на працягу мінулага года застаецца Расія", - растлумачыла Скіндэр.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"