МІНСК, 20 чэр – Sputnik. Прэзідэнту Расіі Уладзіміру Пуціну ўручылі вышэйшую ўзнагароду КНДР – ордэн Кім Ір Сена, аб гэтым паведаміла паўночнакарэйскае радыё "Голас Карэі".
Адзначаецца, што ордэн быў прысвоены за вялікія заслугі ў развіцці добрасуседскіх і брацкіх адносін паміж дзвюма краінамі, узняцце іх да "стратэгічных партнёрскіх і непарушных саюзніцкіх", а таксама за адкрыццё "новай старонкі" карэйска-расійскай дружбы.
Цырымонія ўручэння прайшла 19 чэрвеня. Ордэн расійскаму лідару асабіста ўручыў Кім Чэн Ын.
Акрамя таго, ён падарыў прэзідэнту Расіі двух паляўнічых сабак рэдкай пароды пхунсан.
Візіт Пуціна ў КНДР
Дзяржаўны дружалюбнывізіт расійскага лідара ў Паўночную Карэю прайшоў 18-19 чэрвеня.
Кіраўнікі дзяржаў і суправаджаючыя дэлегацыі правялі перагаворы і падпісалі Дагавор аб стратэгічным партнёрстве.
Паездка ў КНДР для расійскага лідара на пасадзе кіраўніка дзяржавы стала другой. Да гэтага Пуцін наведваў рэспубліку ў 2000 годзе. Тады ён сустрэўся ў Пхеньяне з дзеючым на той момант паўночнакарэйскім лідарам – Кім Чэн Ірам, бацькам Кім Чэн Ына.
Вышэйшая ўзнагарода
Ордэн Кім Ір Сена заснаваны ў 1972 годзе з нагоды яго шасцідзесяцігоддзя адначасова з "Кімірсенаўскай прэміяй" па прапанове Кім Чэн Іра. Сам Кім Чэн Ір быў узнагароджаны гэтым ордэнам тры разы: у 1978, 1982 і 1992 гадах.
Ордэнам узнагароджваюцца таксама ўстановы (у тым ліку адукацыйныя) і арганізацыі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"