СМАЛЯВІЦКІ РАЙОН, 21 чэр – Sputnik. Партызанская брыгада "Разгром", якая дзейнічала ў беларускіх лясах падчас Вялікай Айчыннай вайны, з’яўляецца прыкладам нязломнага духу, сказаў пасол РФ Барыс Грызлоў, перадае карэспандэнт Sputnik.
У Смалявіцкім раёне ў пятніцу, 21 чэрвеня, прайшла ўрачыстая цырымонія адкрыцця адрэстаўраванага помніка "Раненаму салдату", у якой прынялі ўдзел ветэраны, прадстаўнікі ўлад, дыпламаты і спонсары.
© Sputnik / Виктор Толочко
Манумент знаходзіцца ва ўрочышчы Стрыева на тэрыторыі мемарыяльнага комплексу "Разгром" – на месцы дыслакацыі аднайменнай партызанскай брыгады.
"Разгром" – адно з найбуйнейшых і найбольш баяздольных партызанскіх злучэнняў часоў Вялікай Айчыннай вайны. Шматнацыянальная брыгада, у склад якой уваходзілі шэсць атрадаў агульнай колькасцю да дзвюх тысяч байцоў, дзейнічала на тэрыторыі некалькіх раёнаў Мінскай вобласці. Іх аперацыі наводзілі жах на салдат і камандаванне вермахта. Яны баяліся "разгромаўцаў" – і нездарма", - сказаў Грызлоў.
© Sputnik / Виктор Толочко
Паводле яго слоў, на рахунку брыгады – каля 300 знішчаных варожых эшалонаў і звыш 14 тысяч ліквідаваных нацыстаў. Па сваёй эфектыўнасці партызанскае фарміраванне, каля вытокаў якога стаялі партыйныя працаўнікі і мясцовыя жыхары, з папраўкай на колькасць асабовага складу цалкам магло б даць фору часцям рэгулярнай арміі.
© Sputnik / Виктор Толочко
Грызлоў адзначыў, што ва ўрочышчы Стрыева, якое схавана ад чужых вачэй, пасярод лясоў і балот, "разгромаўцы" стварылі друкарню, школу сяржантаў, шпіталь і нават майстэрню, у якой сабралі дзве сотні ўзораў зброі пад патрэбы канкрэтных аперацый.
"Паслужны ліст брыгады "Разгром" – гэта нагляднае сведчанне нязломнай сілы духу нашых брацкіх народаў, жалезнай стойкасці, вернасці абавязку і Радзіме, волі да Перамогі. Мала што можа параўнацца са значнасцю гэтага мемарыяла. Тут – месца нашай гістарычнай памяці", - падкрэсліў расійскі дыпламат.
© Sputnik / Виктор Толочко
Пасля чаго дадаў, што рэканструкцыя памятнага комплексу стала сапраўды ўсенародным рухам. Да ініцыятывы рабочай групы падключыліся культурна-асветніцкая ўстанова "Шляхамі культуры", прадстаўнікі ветэранскіх арганізацый, патрыятычных аб’яднанняў, пошукавых атрадаў, адукацыйных устаноў, Праваслаўнай царквы. Праект падтрымалі рэспубліканскія органы ўлады, кіраўніцтва Мінскай вобласці, пасольства Расіі і Пастаянны камітэт Саюзнай дзяржавы. За кошт дабрачынных узносаў расійскіх і беларускіх кампаній былі сабраны неабходныя сродкі.
© Sputnik / Виктор Толочко
"Вынік нашай сумеснай працы – адноўлены помнік "Раненаму партызану", - рэзюміраваў Грызлоў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"