МІНСК, 24 чэр – Sputnik. Міністр замежных спраў Беларусі Сяргей Алейнік падзякаваў Расіі за падтрымку ініцыятывы Мінска аб распрацоўцы Еўразійскай хартыі разнастайнасці і шматпалярнасці ў XXI стагоддзі. Аб гэтым кіраўнік беларускага МЗС заявіў пасля сустрэчы з расійскім калегам Сяргеем Лаўровым у Мінску, перадае карэспандэнт Sputnik.
"Мы прапануем рэалістычныя ініцыятывы па мірным урэгуляванні ўкраінскага крызісу, выбудоўваем каркас новай сістэмы бяспекі ў Еўразіі", - сказаў Алейнік.
Паводле яго слоў, згаданая хартыя – гэта аб’яднальны дакумент, у якім маглі б быць сфармуліраваны параметры і прынцыпы функцыянавання архітэктуры бяспекі на еўразійскай прасторы. Плануецца адлюстраваць у ім і бачанне шматпалярнасці і шматбаковасці абноўленай сістэмы міжнародных адносін.
Кіраўнік МЗС Беларусі падкрэсліў, што гэта канкрэтная, рэальная аб’яднальная ініцыятыва, да абмеркавання якой запрашаюцца ўсе.
ШАС і БРІКС
Алейнік асобна падзякаваў Расіі за падтрымку далучэння Беларусі да ШАС і БРІКС.
"Мы гатовы напаўняць гэтыя структуры новым зместам і цікавымі прапановамі", - адзначыў кіраўнік МЗС Беларусі.
Ён паведаміў, што беларускі бок прапануе правесці 12-13 ліпеня бягучага года Дні нацыянальных культур краін ШАС на Міжнародным фестывалі мастацтваў "Славянскі базар у Віцебску". Міністр дадаў, што гэтымі ж днямі ў Беларусі будзе праходзіць прэс-тур журналістаў з дзяржаў ШАС.
Санкцыі
На перагаворах у Мінску 24 чэрвеня бакі абмеркавалі таксама каардынацыю па нарошчванні супрацьдзеяння рэстрыкцыям з боку ЗША, ЕС і іх сатэлітаў.
"На ўсе незаконныя меры націску будзем працягваць асіметрычна адказваць", - падкрэсліў Сяргей Алейнік.
Візіт да юбілею
Кіраўнік МЗС РФ Сяргей Лаўроў 24-25 чэрвеня робіць афіцыйны візіт у Мінск. Міністр замежных спраў Беларусі звярнуў увагу, што гэты візіт праходзіць у 32-ю гадавіну ўстанаўлення дыпламатычных адносін паміж Мінскам і Масквой, а таксама незадоўга да 80-годдзя вызвалення Беларусі ад нямецка-фашысцкіх захопнікаў. Больш за тое, сёлета спаўняецца 25 гадоў з дня падпісання Дагавора аб стварэнні Саюзнай дзяржавы.
"І гэта яшчэ не ўсё. Наш сённяшні дыялог, нашы сённяшнія перагаворы выбудоўваюцца яшчэ і з улікам значных вынікаў нядаўняга афіцыйнага візіту прэзідэнта Расійскай Федэрацыі Уладзіміра Уладзіміравіча Пуціна ў Рэспубліку Беларусь... Як вядома, лідары нашых краін, падтрымліваючы беспрэцэдэнтна шчыльны графік асабістых сустрэч і зносін, задаюць тэмп усяму двухбаковаму супрацоўніцтву", - адзначыў Сяргей Алейнік.
Ён запэўніў, што кіраўнікі МЗС імкнуцца падтрымліваць гэты тэмп, інакш у цяперашняй геапалітычнай сітуацыі і быць не можа.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"