МІНСК, 28 чэр – Sputnik. Лідары краін Еўрасаюза зацвердзілі прапанаваных раней кандыдатаў на вышэйшыя пасады ў еўраінстытуты, пра гэта напісаў кіраўнік Еўрасавета Шарль Мішэль у сацсетцы X.
Рашэнне было прынята на саміце ў Бруселі.
У прыватнасці, старшынёй Еўракамісіі зноў стала Урсула фон дэр Ляйен. Для яе гэта будзе другім тэрмінам на гэтай пасадзе. Для зацвярджэння кіраўніком ЕК палітык яшчэ павінна 16 ліпеня прайсці працэдуру галасавання ў Еўрапарламенце. За яе павінны прагаласаваць як мінімум 361 з 720 новых дэпутатаў ЕП новага склікання.
Кіраўніком Еўрасавета прызначаны экс-прэм’ер Партугаліі Антоніу Кошта. Ён ужо паведаміў, што пачне выкананне сваіх абавязкаў 1 снежня 2024 года. Раней гэтую пасаду займаў Шарль Мішэль.
Прэм’ер Эстоніі Кая Калас стане вярхоўным прадстаўніком ЕС па знешняй палітыцы і бяспецы. Яна пачне працаваць у кастрычніку бягучага года. Раней на гэтай пасадзе знаходзіўся Жазэп Барэль.
Нагадаем, што раней у чэрвені адбыліся выбары ў Еўрапейскі парламент. Па папярэдніх даных, яўка на іх склала 51%.
Пленарная сесія новага складу Еўрапарламента запланавана на 16-19 ліпеня ў Страсбургу.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"