ВІЦЕБСК, 28 чэр – Sputnik. Савет міністраў Саюзнай дзяржавы (СД) незадоўга да XI Форуму рэгіёнаў Беларусі і Расіі зацвердзіў фінансаванне музеефікацыі і рэстаўрацыі Брэсцкай крэпасці, паведаміў дзяржсакратар Саюзнай дзяржавы Дзмітрый Мязенцаў на пленарным пасяджэнні форуму, перадае карэспандэнт Sputnik.
Паводле яго слоў, будзе выдаткавана да паўмільярда расійскіх рублёў (каля 18,4 мільёна беларускіх рублёў).
"Таксама бачым тут магчымым накіраванне часткі сродкаў на ўзвядзенне патрыятычнага цэнтра Рэспублікі Беларусь на кобрынскіх рубяжах гэтай цытадэлі", - дадаў Мезенцаў.
Планы стварэння Рэспубліканскага цэнтра патрыятычнага выхавання былі агучаны яшчэ ў 2021 годзе. Яго вырашылі пабудаваць на базе Кобрынскага ўмацавання Брэсцкай крэпасці. Плануецца, што кожны год там будуць прымаць каля сямі тысяч дзяцей.
Адна змена будзе працягвацца 12 сутак. Удзельнікі – дзеці ва ўзросце ад 12 да 16 гадоў. Працаваць з імі будзе Мінабароны сумесна з Мінадукацыі.
Пры гэтым у Кобрынскім умацаванні Брэсцкай крэпасці ўжо працуе абласны маладзёжны патрыятычны цэнтр. Стварэнне там жа рэспубліканскага цэнтра ідзе пад эгідай БРСМ. Аб’екту прысвоены статус Усебеларускай маладзёжнай будоўлі.
Частку грошай на будоўлю сабралі падчас суботніка ў красавіку 2023 года.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"