Паводле слоў беларускага прэзідэнта, Форум даўно стаў добрай традыцыяй, якая звязвае народы Беларусі і Расіі, гэта адзін з самых паспяховых і дзейсных праектаў Саюзнай дзяржавы. Ён з’яўляецца ўнікальнай дыялогавай пляцоўкай, мае непаўторны стыль і працягвае прырастаць ініцыятывамі.
Лукашэнка ўпэўнен, што ідэі цяперашняга Форуму рэгіёнаў знойдуць сваё ўвасабленне, а абедзве краіны выйдуць на новы ўзровень саюзнай інтэграцыі, развіцця перадавых тэхналогій і інавацый, рэалізацыі стратэгічных прыярытэтаў.
У сваю чаргу Пуцін падкрэсліў, што Беларусь – гэта адзін з ключавых эканамічных партнёраў. Ён адзначыў, што вялікую карысць для паглыблення расійска-беларускага міжрэгіянальнага супрацоўніцтва прыносяць інтэграцыйныя працэсы ў розных сферах – навуцы, тэхналогіях і інавацыях і іншых галінах.
Расійскі лідар выказаў упэўненасць, што вынікі работы Форуму будуць садзейнічаць умацаванню сувязей Беларусі і РФ у інтарэсах двух брацкіх народаў.
Адзінаццаты па ліку Форум рэгіёнаў Беларусі і Расіі праходзіць 27-28 чэрвеня ў Віцебскай вобласці. Упершыню мерапрыемства праводзіцца адразу ў трох гарадах – Віцебску, Полацку і Наваполацку. У Віцебску знаходзіцца дэлегацыя Савета Федэрацыі на чале са старшынёй палаты Валянцінай Мацвіенкай. У рабоце Форуму бяруць удзел прадстаўнікі больш як 50 расійскіх рэгіёнаў і ўсіх абласцей Беларусі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"