МІНСК, 1 ліп – Sputnik. Каб аднаму чалавеку пазнаёміцца з усёй назапашанай інфармацыяй, патрэбны мільёны гадоў, заявіў выканаўчы дырэктар медыягрупы "Россия сегодня", член Савета пры прэзідэнце РФ па развіцці грамадзянскай супольнасці і правах чалавека Кірыл Вышынскі на майстар-класе ў мультымедыйным прэс-цэнтры Sputnik Беларусь.
"...Кожныя 2 гады – гэта значыць кожны год на 50% – павялічваецца маштаб інфармацыі, якую назапашвае чалавецтва", - адзначыў ён.
Увесь гэты аб’ём вылічаецца ў зэтабайтах. Гэтая адзінка ўключае ў сябе прыкладна секстыльён байт.
Больш за тое, чалавецтва не толькі назапашвае вялізныя аб’ёмы даных. Змяняюцца спосабы іх падачы і структуравання.
Напрыклад, у 1990-х ва Украіне рэдакцыя тэлеканала магла атрымліваць зводкі ад інфармацыйных агенцтваў тры разы на дзень. Падпіска на гэтыя навіны была платнай.
У нулявых гадах зводкі сталі прыходзіць кожную гадзіну. Усё гэта было складана перапрацаваць, гэтым у рэдакцыях і займаўся спецыяльны чалавек. Цяпер такі ж аб'ём інфармацыі можа паступаць не да рэдактара навін, а да абывацеля, да прыкладу, праз Тelegram-канал.
"Сёння ідзе барацьба за тое, каб узялі б інфармацыю якога-небудзь агенцтва... Стужкі навін ўжо не прадаюцца, яны ў адкрытым доступе... За падпісчыкаў змагаюцца і самі ўжо гатовы ледзь вам не прыплачваць, каб вы толькі ўзялі гэтую інфармацыю...", - сказаў Вышынскі.
Ён звярнуў увагу, што зараз важны аспект і ў тым, як падаюцца навіны. Раней гэта быў дыскрэтны паток, а зараз – бесперапынны.
"...Уласна кажучы, вы можаце проста жыць у гэтым інфармацыйным патоку", - адзначыў Вышынскі.
SputnikPro
Майстар-клас Кірыла Вышынскага – гэта частка міжнароднага асветніцкага праекта SputnikPro. Навучальныя модулі SputnikPro прайшлі ўжо ў 24 краінах: ад Арменіі да Індыі, ад Грэцыі да Кітая. Усяго з сакавіка 2018 года ў праекце прынялі ўдзел больш за 10 000 чалавек з 80 краін.
Эксперты Sputnik і ў цэлым медыягрупа "Россия сегодня" праводзяць унікальныя семінары, лекцыі і майстар-класы для журналістаў, прэс-сакратароў, блогераў і студэнтаў старшых курсаў профільных аддзяленняў ВНУ.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"