МІНСК, 2 ліп – Sputnik. Кіраўнік Беларусі Аляксандр Лукашэнка прыняў з дакладамі ў Палацы Незалежнасці кіраўніка сваёй адміністрацыі Дзмітрыя Крутога і пасла ў Расіі Аляксандра Рагожніка.
Паводле яго слоў, наперадзе яшчэ некалькі сустрэч з паслом у Расіі, таму што патрабуецца абмеркаванне канкрэтных напрамкаў у рабоце на новай пасадзе.
Беларускі лідар адзначыў, што новаму паслу будзе прасцей таму, што Крутой асвоіў напрамкі работы, якія патрабуюць павышанай увагі.
"Я вельмі спадзяюся, што мы будзем мець прасоўванне найперш па кааперацыйных пытаннях. Яны ляжаць у сферы прамысловасці. Тут павінны быць канкрэтныя вынікі", - адзначыў ён.
Пасля чаго дадаў, што цяпер сітуацыя на рынку ў Расіі складваецца няпроста, таму што прысутнічае вельмі высокая канкурэнцыя.
"Гэта было і будзе заўсёды. Але нам нельга губляць на расійскім рынку свае пазіцыі. І гэта пытанне нумар адзін для вас", - цытуе Лукашэнку БелТА.
На яго думку, у Расіі трэба развіваць свае мультыбрэндавых пляцоўкі, дзе тэхніка будзе і прадавацца, і абслугоўвацца. Таксама трэба надаваць увагу кааперацыі і асвойваць расійскую крэдытную лінію. Развіццё супрацоўніцтва з рэгіёнамі павінна актыўна працягвацца. Увагу трэба сканцэнтраваць на праектах у авіябудаванні, атамнай энергетыкі, даследаваннях космасу.
Нагадаем, што на мінулым тыдні кіраўнік дзяржавы прызначыў міністра прамысловасці Аляксандра Рагожніка на пасаду пасла Беларусі ў Расіі.
Дзмітрый Крутой, які займаў раней гэтую пасаду, узначаліў Адміністрацыю прэзідэнта Беларусі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"