Традыцыйнае месца правядзення парада – стэла "Мінск – горад-герой" на скрыжаванні праспектаў Пераможцаў і Машэрава, сюды ў вячэрні час накіроўвалася калона цяжкай тэхнікі для правядзення фінальнага генпрагону. Тут жа сваю частку парада рэпеціравалі пешыя парадныя разлікі, а таксама ўдзельнікі тэатралізаванага шэсця.
У бягучым годзе парад плануецца самым маштабным у параўнанні з папярэднімі (мінулы парад прайшоў у Мінску 9 мая 2020 года і быў прымеркаваны да 75-й гадавіны Перамогі ў ВАВ, а парад на Дзень Незалежнасці адбыўся ў беларускай сталіцы ў 2019-м у гонар 75-годдзя вызвалення Беларусі ад акупацыі).
Сёлета ўдзел у парадзе прымуць вайскоўцы васьмі краін. Наогул гэта 36 парадных разлікаў з колькасцю вайскоўцаў больш за пяць тысяч. У калоне ваеннай тэхнікі будуць дэманстравацца сучасныя ўзоры беларускага і расійскага ваенпрама, якія ўжо прыняты на баявое дзяжурства ў Беларусі.
Аднак разгледзець на парадзе можна будзе не толькі ваенную тэхніку. Сваю калону з 80 машын пакажа беларускі мінпрам. Гэта не толькі трактары і новая тэхніка МТЗ, МАЗы і самазвалы БелАЗ, але таксама дарожна-будаўнічая, лагістычная, торфаздабываючая, камунальная і лясная тэхніка "Амкадора" і сельгастэхніка "Гомсельмаша". У калоне праедуць таксама легкавыя аўтамабілі беларускай вытворчасці.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"