МІНСК, 3 ліп – Sputnik. Гулянні з нагоды Дня Незалежнасці і 80-годдзя вызвалення Беларусі ад нямецка-фашысцкіх захопнікаў завяршыліся ў Мінску ў 23:00 святочным феерверкам.
Ён прагрымеў у сямі месцах сталіцы Беларусі: каля музейна-паркавага комплексу "Перамога", у трох парках (імя Янкі Купалы, Паўлава і Уга Чавеса), а таксама каля Нацыянальнай бібліятэкі, на набярэжнай у мікрараёне Дразды, на пляцоўцы каля "Чыжоўка-Арэны".
Фінальнаму акорду святочнай праграмы папярэднічалі гулянні ва ўсіх раёнах Мінска, а цэнтральным месцам стала пляцоўка каля Палаца спорту, дзе ўвесь дзень ішоў канцэрт. Таксама працавалі выязны гандаль і кафэ. Можна было і падсілкавацца, і купіць сувенір. Былі арганізаваны і фотазоны, атракцыёны, цір і многае іншае.
© Sputnik / Виктор Толочко
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"