МІНСК, 4 ліп – Sputnik. У Маскве з’явіцца вуліца імя ўраджэнкі Беларусі, знакамітай разведчыцы і медсястры партызанскіх атрадаў Надзеі Траян, паведаміў у сваім Telegram-канале мэр расійскай сталіцы Сяргей Сабянін.
"Праезды ў Харошаўскім раёне (Масквы), якія праектуюцца, стануць вуліцай Надзеі Траян", - напісаў Сабянін.
Акрамя таго, імя легендарнай разведчыцы, Героя Савецкага Саюза Надзеі Траян прысвоена і сярэдняй школе ў гэтым раёне расійскай сталіцы.
Гаўляйтар Вільгельм Кубэ быў забіты 22 верасня 1943 года ў Мінску. Непасрэднымі ўдзельнікамі аперацыі былі тры савецкія дзяўчыны – Алена Мазанік, Марыя Осіпава і Надзея Траян.
Траян была сувязной, разведчыцай, медсястрой партызанскіх атрадаў, якія дзейнічалі пад Мінскам. Яна брала ўдзел у аперацыях па падрыве мастоў, нападзенні на абозы нацыстаў.
Нарадзілася будучая легендарная разведчыца 24 кастрычніка 1921 года ў Дрысе, зараз гэта горад Верхнядзвінск у Віцебскай вобласці. Яшчэ да пачатку Вялікай Айчыннай вайны яна паступіла ў Мінскі медыцынскі інстытут.
Падчас нацысцкай акупацыі Траян уладкавалася перакладчыцай да дырэктара канторы па торфаперапрацоўцы, якая знаходзілася ў Смалявічах, пры гэтым яна актыўна дапамагала партызанам – здабывала інфармацыю, выпісвала на іх пропускі ад імя канторы.
На гаўляйтара Кубэ да гэтага было некалькі замахаў, але ўсе яны заканчваліся няўдала.
Аднак спроба дзяўчат завяршылася поспехам. Выбух прагрымеў у 0:40 22 верасня 1943 года. Гаўляйтар Беларусі Вільгельм Кубэ загінуў на месцы, яго блізкія пры гэтым не пацярпелі.
На наступны пасля замаху дзень у Мінску пачаліся масавыя затрыманні дзяўчат і жанчын. Дзяўчыне ўдалося абысці блокпасты і выйсці да партызан.
Траян, Осіпаву і Мазанік пераправілі самалётам у Маскву, дзе ім прысвоілі званне Героя Савецкага саюза. У Германіі іх абвясцілі асабістымі ворагамі Рэйха.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"