МІНСК, 5 ліп – Sputnik. Найстарэйшы кінатэатр Мінска "Перамога" адкрыўся пасля рэканструкцыі, перадае Sputnik.
Будынак "Перамогі" захаваў гістарычны стан, таксама ўнутры аднавілі дэкаратыўную ляпніну, мастацкае пано, мазаічныя падлогі і паўкруглыя фрэскі.
Кінатэатр разлічаны на пяць залаў з камфортнымі месцамі для гледачоў. Кожная з кіназалаў аформлена ў пэўнай тэматыцы: адна з іх, атрымала матывы фільма "Белыя росы". Таксама ў ім ёсць сучасныя сядзенні для дваіх і канапы, на якіх можна ляжаць.
Першую карціну пасля рэканструкцыі пакажуць ужо ў пятніцу. Фільм называецца "Час вярнуцца" і прысвечаны ўнікальнай аперацыі беларускіх партызан у гады Вялікай Айчыннай вайны.
Планавалі адкрыць 3 ліпеня
Кіраўнік прадпрыемства "Мінскбуд" Аляксандр Церахаў раней адзначаў, што "Перамогу" збіраліся адкрыць да 3 ліпеня.
"Гэта стане своеасаблівым падарункам гараджанам. Будтрэст №1 прыкладае ўсе намаганні, каб завяршыць аб’ект у тэрмін", - гаварыў ён.
"Перамога" – найстарэйшы кінатэатр беларускай сталіцы, ён быў адкрыты ў 1950 годзе. Таксама гэта адзіны кінатэатр Беларусі, прыняты ў прэстыжную Міжнародную асацыяцыю Europa Cinemas.
Будынак "Перамогі" ўключаны ў Дзяржаўны спісак гісторыка-культурных каштоўнасцей Беларусі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"