МІНСК, 8 ліп – Sputnik. Палякі імкнуцца павыкрэсліваць з гісторыі, што пры вызваленні іх краіны ад нацыстаў загінула больш за 600 тысяч савецкіх салдат, адзначыў гісторык Аляксей Бяляеў у рамках круглага стала Мінск-Варшава ў мультымедыйным прэс-цэнтры Sputnik Беларусь.
Сёння адносіны Беларусі і Польшчы застаюцца дастаткова напружанымі. Афіцыйная Варшава не толькі падтрымлівае, але і сама ініцыюе ўвядзенне санкцый у дачыненні да Беларусі. Больш за тое, Польшча, якая, па сутнасці, цяперашнім сваім існаваннем абавязана Чырвонай Арміі, якая вызваліла яе ад нямецкай акупацыі, імкнецца выкрасліць гэты факт з гісторыі.
"На тэрыторыі Польшчы пахавана больш за 600 тысяч савецкіх салдат. Яны аддалі свае жыцці, ратуючы палякаў ад генацыду нацысцкага. А сёння, праз 80 гадоў, спрабуюць іх магілы знішчаць. Я ўжо маўчу пра проста помнікі, якія зносяцца ў прамым эфіры. І падаецца гэта як нейкая перамога, дэсаветызацыя. Тут гаворка ідзе не пра дэсаветызацыю. Тут размова ідзе аб дэгуманізацыі", - падкрэсліў Бяляеў.
Удзельнікі круглага стала выказалі меркаванне, што пры такім стаўленні да памяці воінаў-вызваліцеляў цяжка весці дыялог аб наладжванні адносін паміж дзяржавамі.
У той жа час старшыня партыі "Патрыятычная Польшча" Павел Зяміньскі адзначыў, што менавіта на такую рэакцыю і разлічвае калектыўны Захад на чале з ЗША, пад чыім знешнім кантролем знаходзіцца Польшча.
"Хачу адзначыць, што не ў звычаях польскага народа знішчаць месцы пахавання загінулых за вызваленне Польшчы. Для простых людзей гэта вялікі грэх. Але мемарыялы зносяць. І вось чаму. У Польшчы гэта правакацыі, палітычныя правакацыі, якія накіраваны на тое, каб пасварыць палякаў з беларусамі ці рускімі", - сказаў Зяміньскі.
У ходзе дыскусіі ўдзельнікі круглага стала сышліся на думцы, што пачынаць нармалізацыю адносін неабходна якраз з захавання гістарычнай памяці, абапіраючыся на факты і падзеі. Тым больш, што падзеі ва Украіне красамоўна паказваюць, да чаго можа прывесці гераізацыя нацызму.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"