МІНСК, 10 ліп – Sputnik. Польшча прыцягне да аховы мяжы 17 тысяч вайскоўцаў, заявіў намеснік міністра абароны Павел Бэйда на прэс-канферэнцыі, прысвечанай праграме "Усходні шчыт".
"На практыцы гэта ўжо становіцца фактам, таму што зараз на мяжы знаходзіцца амаль 6 тысяч польскіх вайскоўцаў, а ў канчатковым выніку будзе 8 тысяч салдат, якія будуць непасрэдна ахоўваць польскую мяжу", - удакладніў высокапастаўлены польскі афіцэр.
Паводле яго слоў, таксама 9 тысяч вайскоўцаў будуць знаходзіцца ў стане пастаяннай гатоўнасці, каб у выпадку інцыдэнтаў на мяжы мець магчымасць апынуцца на месцы з тэхнікай і зброяй на працягу 48 гадзін.
Павел Бэйда расказаў, што 1 жніўня ў Польшчы зноў пачнецца аперацыя "Бяспечнае Падляссе". У ёй на працягу шасці месяцаў месяцаў будуць удзельнічаць вайскоўцы, якія папярэдне прайшлі двухмесячную падрыхтоўку.
Раней стала вядома, што польскія ўлады задумалі рэалізацыю праграмы "Усходні шчыт", падчас яе на мяжы з Расіяй і Беларуссю павінны быць узведзены інжынерныя загароды. Агульны кошт праекта ацэньваецца ў 2,5 млрд долараў, а лінія абаронных умацаванняў павінна расцягнуцца на 600 кіламетраў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"