ВІЦЕБСК, 12 ліп – Sputnik. Прэзентацыя фотавыставы "Вызваленне. Шлях да Перамогі" і VR-праектаў адбылася ў Віцебску, дзе гэтымі днямі праходзіць фестываль "Славянскі базар", паведамляе карэспандэнт Sputnik.
Выставачны праект арганізавалі міжнароднае агенцтва і радыё агенцтва Sputnik Беларусь і медыягрупа "Россия сегодня". Выстава размясцілася ў цэнтры фестывальнага Віцебска на вуліцы Леніна побач з гарадской Ратушай.
VR-праект і фотавыстава Sputnik адкрыліся на "Славянскім базары"
© Sputnik / Виктор Толочко
На адкрыцці выставачнага праекта шэф-рэдактар Sputnik Беларусь Алеся Лучанінава расказала, што інфармацыйнае агенцтва Sputnik Беларусь ужо не першы год супрацоўнічае са "Славянскім базарам". Яна нагадала, што ў мінулым годзе Sputnik прывёз у Віцебск фотавыставу "Саўінфармбюро: 1943-і. Пачатак вызвалення", якая экспанавалася ў парку Віцебскага абласнога музея героя Савецкага Саюза Міная Шмырова.
"Наша экспазіцыя пашырылася ў гэтым годзе: гэта не толькі фотавыстава, але яшчэ і VR-праект. І не адзін, а некалькі VR-праектаў, якія прывезлі нашы калегі з Масквы. Асноўны з іх – "Неизвестный знаменосец" – які мы прадстаўлялі ў Брэсце і зараз прывезлі яго ў Віцебск. А таксама гэта і іншыя VR праекты: "Ворота Куликова поля. Битва за Епифань", "Нюрнберг. VRдикт народов", "Игра ремесел. VR-погружение в мир народных промыслов", - сказала Лучанінава.
Яна расказала пра канцэпцыю фотавыставы, адзначыўшы, што дакументальныя фота прысвечаны аперацыі "Баграціён" і вызваленню Беларусі, юбілей якога сёлета святкуе рэспубліка.
VR-праект і фотавыстава Sputnik адкрыліся на "Славянскім базары"
© Sputnik / Виктор Толочко
"На гэтых фатаграфіях можна ўбачыць вызваліцеляў, у тым ліку камандзіраў, якія бралі ўдзел у вызваленні Беларусі, а таксама твары простых беларусаў, якія доўгі час знаходзіліся пад акупацыяй. Гэтыя фатаграфіі – жывыя сведкі таго часу і той гісторыі, якую сёння спрабуюць сцерці з нашай памяці", - падкрэсліла Лучанінава.
У сваю чаргу, намеснік дырэктара Віцебскага абласнога краязнаўчага музея Аксана Ісачэнка адзначыла, што гэты праект уяўляе вялікую цікавасць.
"Гэта першае супрацоўніцтва наша з вамі (Sputnik Беларусь). Гэты праект нам цікавы, таму што гэты год, 2024-ы, гэта святкаванне 80-годдзя вызвалення Беларусі ад нямецка-фашысцкіх захопнікаў. Таксама ўсе ведаюць, што некалькі гадоў ужо ідзе расследаванне Генпракуратуры па генацыдзе беларускага народа, такім чынам гэтая тэма, тэма вайны, ідзе чырвонай ніткай усюды", - сказала Ісачэнка.
VR-праект і фотавыстава Sputnik адкрыліся на "Славянскім базары"
© Sputnik / Виктор Толочко
Па словах каардынатара выставачнай праграмы фестывалю Алены Сяровай, VR-праекты ўдалыя з пункту гледжання прыцягнення моладзі.
"Думаю, VR-тэхналогіі і віртуальная рэальнасць будзе цікавай і прывабнай прапановай для нашых юных наведвальнікаў", - сказала Сярова.
Не абышлося на адкрыцці праекта без падарункаў. Інфармацыйнае агенцтва Sputnik Беларусь падарыла музею і дырэкцыі фестывалю рарытэтныя выданні "Зводкі Саўінфармбюро", што агучваў легендарны дыктар Юрый Левітан, які паведамляў савецкім грамадзянам аб становішчы на фронце. Гэтыя выданні маюць дакументальны характар.
Пасля афіцыйнага адкрыцця прысутныя, якіх прыйшло нямала, выстройваліся ў чаргу, каб апрабаваць на сабе апусканне ў віртуальную рэальнасць.
VR-праект і фотавыстава Sputnik адкрыліся на "Славянскім базары"
© Sputnik / Виктор Толочко
Пазнаёміцца з фотавыставай можна да 15 ліпеня, а з VR-праектамі – да 14 ліпеня.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"