Урачыстае адкрыццё фотавыставы агенцтва Sputnik Беларусь "Вызваленне. Шлях да Перамогі" адбылося ў пятніцу ў Віцебску. Жыхары абласнога цэнтра і госці Міжнароднага фестывалю мастацтваў "Славянскі базар" змогуць азнаёміцца з экспазіцыяй на аснове архіўных матэрыялаў Саўінфармбюро.
На кадрах – эпізоды аперацыі "Баграціён", як яе бачылі і ўспрымалі байцы на перадавой фронту.
Наведвальнікі фотавыставы могуць не толькі ўбачыць гістарычныя фатаграфіі, але і паслухаць на мабільных тэлефонах спецыяльны радыёпадкаст.
Выстава "Вызваленне. Шлях да Перамогі" знаходзіцца ў цэнтры Віцебска, на вуліцы Леніна, побач з Ратушай.
Тут жа пачаў працаваць цэнтр імерсіўных тэхналогій РІА Навіны, які таксама ўваходзіць у медыягрупу "Россия сегодня". Усе жадаючыя змогуць азнаёміцца з VR-праектам "Неизвестный знаменосец", акунуўшыся ў свет віртуальнай рэальнасці.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"