МІНСК, 15 ліп – Sputnik. Надзвычайная сітуацыя аб’яўлена ў Гомельскай вобласці, аб гэтым паведаміў губернатар рэгіёна Іван Крупко ў звароце да жыхароў.
"Прынята рашэнне аб’явіць у вобласці надзвычайную сітуацыю і сфарміраваць аператыўны штаб", - гаворыцца на сайце аблвыканкама.
Адзначаецца, што ўсе спецыяльныя службы – энергетыкі, ратавальнікі, леснікі, супрацоўнікі ЖКГ, ДАІ і іншыя – працягваюць працаваць у кругласутачным рэжыме. Ствараюцца дадатковыя брыгады па расчыстцы лясных завалаў з мэтай максімальна больш хуткага доступу энергетыкам да ліній электраперадач.
Акрамя таго, пацярпелае насельніцтва кругласутачна будзе забяспечвацца пітной вадой да поўнага аднаўлення водазабеспячэння.
Таксама для аднаўлення разбураных непагаддзю аб’ектаў ужо фарміруюцца будаўнічыя брыгады.
Непагадзь у Беларусі
Моцныя ліўні са шквалістым ветрам прайшлі па тэрыторыі Гомельшчыны ў нядзелю, 14 ліпеня.
Ураганам паваліла вялікую колькасць дрэў – у тым ліку на лініі электраперадач, што прывяло да масавых адключэнняў.
У выніку разгулу стыхіі загінулі тры чалавекі (у тым ліку адно дзіця), пацярпелі чацвёра дзяцей і адзін дарослы. Без электрычнасці застаюцца 1 150 населеных пунктаў вобласці.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"