МІНСК, 16 ліп – Sputnik. Прэзідэнт Беларусі Аляксандр Лукашэнка на сустрэчы з губернатарам Прыморскага краю Алегам Кажамякам заявіў аб зацікаўленасці ў супрацоўніцтве з гэтым рэгіёнам Расіі.
"Алег Мікалаевіч, Уладзівасток – геаграфічна далёкі, але не чужы, пра гэта сведчаць нашы сустрэчы нярэдкія і тыя дамоўленасці, якіх мы дасягаем у выніку гэтых сустрэч", - заявіў ён у Мінску ў аўторак.
Лукашэнка таксама падзякаваў кіраўніку Прымор’я за частыя візіты ў Беларусь.
"Дзякуй, што прыязджаеце да нас, адчуваеце, што недзе корань ваш закапаны тут, у Беларусі. Чым больш мы сталеем, тым больш нас цягне да тых каранёў. Мы заўсёды рады вас бачыць у Беларусі", - сказаў ён.
У сваю чаргу Кажамяка падзякаваў прэзідэнту рэспублікі за магчымасць сустрэчы і адзначыў важнасць партнёрства з Беларуссю для Прыморскага краю.
"Дзякуючы нашаму супрацоўніцтву жыхары Прыморскага краю спажываюць з задавальненнем беларускую прадукцыю, мы бачым, што з кожным годам расце абарот па прадукцыі сельскай гаспадаркі", - сказаў ён.
Губернатар адзначыў рост аб’ёму тавараабароту паміж Беларуссю і Прымор’ем.
"Калі мы пачыналі з паўтара мільярда, то цяпер ён 22,5 мільярда (расійскіх рублёў). Нам гэта выгадна", - паведаміў Кажамяка.
Паводле яго слоў, Беларусь пачала больш атрымліваць тавараў з рэгіёна, а беларуская прадукцыя карыстаецца вялікім попытам у жыхароў Прымор’я.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"