МІНСК, 16 ліп – Sputnik. За мінулыя стукі электразабеспячэнне было адноўлена ў 783 населеных пунктах Беларусі, паведаміла прэс-служба Мінэнерга ў афіцыйным Telegram-канале ведамства.
Як праінфармавалі ў профільным міністэрстве, больш за 200 аварыйных брыгад займаліся ўстараненнем наступстваў непагадзі, таксама было задзейнічана звыш 200 адзінак тэхнікі.
Разам з тым, паводле даных на 8:00 аўторка, аднаўленчыя работы працягваюцца яшчэ ў 700 населеных пунктах – там да гэтага часу няма электраэнергіі.
У Мінэнерга таксама ўдакладнілі, што за ноч у Гомельскай вобласці электразабеспячэнне аднавілі ў 51 населеным пункце. Так, святло з’явілася ў райцэнтрах Калінкавічы, Нароўля і Ельск. Электраэнергія таксама пачала паступаць на Мазырскую ЦЭЦ.
Што да аднаўлення электразабеспячэння самога Мазыра, то працы яшчэ працягваюцца.
"Работы па ўстараненні тэхналагічных парушэнняў праводзяцца ў 604 населеных пунктах рэгіёна", - дадалі ў ведамстве.
У Магілёўскай вобласці аднавілі электразабеспячэнне ў 368 населеных пунктах, але аварыйныя брыгады працягваюць працаваць у 96.
Непагадзь у Беларусі
Моцныя ліўні са шквалістым ветрам, хуткасць якога часам дасягала 29 м/с, прайшлі па тэрыторыі Гомельшчыны ў нядзелю, 14 ліпеня.
Ураган паваліў вялікую колькасць дрэў – у тым ліку на лініі электраперадачы, што прывяло да масавых адключэнняў. Найбольш складаная сітуацыя склалася ў Мазырскім, Рэчыцкім, Гомельскім раёнах. Для электразабеспячэння сацыяльна значных аб’ектаў задзейнічаны рэзервовыя крыніцы харчавання.
Энергетыкі другія суткі працуюць ва ўзмоцненым рэжыме. Аб’ём пашкоджанняў, прычынены разгулам стыхіі, ацэньваецца як сур’ёзны.
У сувязі з сітуацыяй, якая склалася ў вобласці, быў аб’яўлены рэжым НС.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"