МІНСК, 17 ліп – Sputnik. Беларусь уводзіць новы бязвізавы рэжым для грамадзян шэрага краін Еўрасаюза з 19 ліпеня, паведаміў міністр замежных спраў рэспублікі Максім Рыжанкоў.
"З 19 чысла 8 раніцы ўводзіцца новы рэжым для грамадзян краін Еўрапейскага саюза і іншых еўрапейскіх краін, для якіх да гэтага часу дзейнічаў візавы рэжым, бязвізавы парадак уезду праз чыгуначныя і аўтамабільныя пункты пропуску ў Рэспубліку Беларусь на тэрмін да 30 сутак", - заявіў кіраўнік МЗС Беларусі ў эфіры тэлеканала АНТ.
Паводле яго слоў, прапанова аб бязвізавым парадку ўезду для грамадзян краін ЕС была ўнесена на разгляд прэзідэнту Беларусі Аляксандру Лукашэнку. Кіраўніком дзяржавы гэта ініцыятыва была падтрымана.
Рыжанкоў паведаміў, што новы бязвізавы рэжым будзе дзейнічаць да 31 снежня 2024 года.
Такі ж рэжым, нагадаў ён, ужо даўно дзейнічае для грамадзян Польшчы, Літвы і Латвіі.
Для каго ўводзіцца новы бязвіз
МЗС Беларусі апублікавала пералік краін, грамадзяне якіх змогуць уязджаць у нашу рэспубліку без афармлення візы з 19 ліпеня.
У спіску 35 дзяржаў:
Аўстрыя,
Андора,
Бельгія,
Балгарыя,
Боснія і Герцагавіна,
Ватыкан,
Вялікабрытанія,
Венгрыя,
Грэцыя,
Данія,
Ірландыя,
Іспанія,
Італія,
Кіпр,
Ліхтэнштэйн,
Люксембург,
Мальта,
Манака,
Нідэрданды,
Нарвегія,
Партугалія,
Румынія,
Сан-Марына,
Паўночная Македонія,
Славакія,
Славенія,
Фінляндыя,
Францыя,
Германія,
Харватыя,
Чэхія,
Швейцарыя,
Швецыя,
Эстонія.
У міністэрстве замежных спраў дадалі, што разам з гэтым захоўваецца дзеянне і ранейшага бязвізавага рэжыму пры ўездзе праз паветраныя пункты пропуску.
Такім чынам, грамадзяне ўсіх еўрапейскіх краін, у адносінах да якіх Беларусь прымяняе бязвіз, з 19 ліпеня 2024 года могуць уязджаць і выязджаць праз усе наземныя і паветраныя міжнародныя пункты пропуску.
Скарыстаць права бязвізавага ўезду ў Беларусь можна неабмежаваную колькасць разоў на працягу ўсяго перыяду дзеяння да 31 снежня 2024 года ўключна.
Колькасць дзён знаходжання ў Беларусі па бязвізе не павінна быць больш за 90 дзён у годзе.
У МЗС адзначаюць, што гэты парадак не будзе распаўсюджвацца на ўладальнікаў дыпламатычных, службовых, спецыяльных і прыраўнаваных да іх пашпартоў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"