МІНСК, 21 ліп – Sputnik. Аб’ём наяўных грошай у абароце у студзені-ліпені вырас больш чым на 13%, вынікае з новых даных Нацбанка Беларусі.
Калі ў пачатку года агульная сума склала крыху менш за 9,5 млрд рублёў, то на 1 ліпеня – больш за 10,7 млрд.
Пры гэтым у чэрвені сярэдні аб’ём тэрміновых рублёвых дэпазітаў насельніцтва павялічыўся на 199 млн. Раней Нацбанк паведамляў, што ў маі аб’ём такіх дэпазітаў вырас на 146,9 млн.
Сярэдняя стаўка па дэпазітах у нацвалюце ў маі склала 9,96%: па кароткатэрміновых – 8,16%, па доўгатэрміновых – 12,24%. Для параўнання: каля года таму сярэдняя стаўка была 8,3% (па кароткатэрміновых – 6,57%, па доўгатэрміновых – 12,39%).
Таксама ў аглядзе за першы квартал бягучага года рэгулятар канстатаваў, што доля ўкладаў насельніцтва ў рублях была 47,9% (плюс 7,5% з пачатку года).
Пры гэтым жанчын, якія адкрываюць дэпазіты ў нацвалюце, больш, чым мужчын: 459 тысяч супраць 244 тысяч па выніках першага квартала.
"Працягнуўся рост банкаўскіх укладаў насельніцтва і іх прыток забяспечаны ў асноўным за кошт рублёвых укладаў. Пры гэтым сярэдняя сума ўкладу на аднаго ўкладчыка ў нацыянальнай валюце павялічылася як у мужчын, так і ў жанчын", - адзначалі раней у Нацбанку.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"