МІНСК, 22 ліп - Sputnik. Прэс-сакратар прэзідэнта Расіі Дзмітрый Пяскоў пракаментаваў словы Уладзіміра Зяленскага аб гатоўнасці да дыялогу з РФ.
Раней Зяленскі ў інтэрв'ю брытанскаму тэлебачанню паведаміў, што Кіеў гатовы да перамоваў з Расіяй, калі будзе план дасягнення міру.
Журналісты папрасілі Пяскова пракаментаваць жаданне Зяленскага вярнуцца да дыялогу, нягледзячы на яго ж указ аб немагчымасці правядзення перамоваў з прэзідэнтам Расіі. Прэс-сакратар кіраўніка дзяржавы адзначыў, што гатоўнасць Кіева да дыялогу – гэта лепш, чым выключэнне якіх-небудзь кантактаў з расійскім бокам.
"Вядома, размова ў той ці іншай танальнасці аб дыялогу значна лепш, чым размова аб намеры ваяваць да апошняга ўкраінца", – сказаў Пяскоў.
Уладзімір Зяленскі ў кастрычніку 2022 года падпісаў указ аб увядзенні ў дзеянне рашэння Савета нацыянальнай бяспекі і абароны (СНБА) Украіны аб немагчымасці правядзення перагавораў з прэзідэнтам Расіі Уладзімірам Пуціным.
Расейскі прэзідэнт у сваю чаргу неаднаразова адзначаў, што Кіеву трэба адмяніць гэтае рашэнне. Пуцін лічыць, што Расея і Ўкраіна рана ці позна дамовяцца, а адносіны паміж народамі ўсё роўна адновяцца, хаця на гэта можа спатрэбіцца шмат часу.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"