МІНСК, 7 жні – Sputnik. Ход работы над праектам Канцэпцыі бяспекі Саюзнай дзяржавы абмеркавалі ў Мінску дзяржсакратар СД Дзмітрый Мезенцаў і дзяржсакратар Савета бяспекі Беларусі Аляксандр Вальфовіч, паведамілі ў прэс-службе Пасткама Саюзнай дзяржавы.
"У ходзе сустрэчы ў Мінску (...) падкрэслівалася значнасць сумеснай работы бакоў над праектам Канцэпцыі бяспекі Саюзнай дзяржавы", - адзначылі ў прэс-службе.
Там нагадалі, што распрацаваць праект Канцэпцыі далі даручэнні прэзідэнты Беларусі і Расіі Аляксандр Лукашэнка і Уладзімір Пуцін.
На сустрэчы з Вальфовічам Мезенцаў сказаў, што праект выніковага дакумента, абмеркаванне якога завершана Саветам бяспекі дзвюх краін, ва ўстаноўленым парадку будзе прадстаўлены на разгляд Савета міністраў і Вышэйшага Дзяржсавета Саюзнай дзяржавы.
У сваю чаргу Вальфовіч адзначыў значнасць рашэнняў ВДС аб тым, каб у перыяд да 2027 года накіраваць да 4 млрд расійскіх рублёў на ўдасканаленне інфраструктуры і тылавога забеспячэння сумеснай ваеннай групоўкі, размешчанай на тэрыторыі Беларусі.
Мезенцаў падкрэсліў, што дзейнасць Пагранічнага камітэта Саюзнай дзяржавы "адрознівае змястоўнасць і паспяховасць, што важна ва ўмовах ускладнення знешнепалітычнага становішча ва Усходне-Еўрапейскім рэгіёне".
Акрамя гэтага, ён звярнуў увагу на своечасовасць зацвярджэння праграмы па ўдасканаленні мер забеспячэння пагранбяспекі Саюзнай дзяржавы, на рэалізацыю якой з саюзнага бюджэту будзе накіравана больш за 2 млрд расійскіх рублёў.
У ходзе сустрэчы Вальфовіч і Мезенцаў падтрымалі прапановы аб пашырэнні практыкі супрацоўніцтва МНС Беларусі і Расіі і павелічэнні колькасці мерапрыемстваў грамадзянска-патрыятычнага выхавання моладзі дзвюх краін, адзначылі ў прэс-службе СД.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"