МІНСК, 9 жні – Sputnik. Аднатыпныя заявы еўрапейскіх чыноўнікаў аб Беларусі наўрад ці варта ўспрымаць сур’ёзна, гэта чарговая спроба прыкрыць свае правалы ў эканоміцы і міграцыйнай палітыцы, заявілі ў МЗС Беларусі.
Прэс-служба знешнепалітычнага ведамства выступіла з заявай у сувязі з рэакцый Еўрапейскай службы знешніх дзеянняў (ЕСЗД) на чарговую гадавіну прэзідэнцкіх выбараў у Беларусі.
"(…) сваімі заявамі ў дачыненні да Беларусі еўрачыноўнікі хацелі б прыкрыць уласныя правалы і неабдуманыя рашэнні ў эканоміцы, энергетычнай сферы, міграцыйнай палітыцы", - гаворыцца ў заяве прэс-службы.
У МЗС адзначылі, што на гэты раз еўрачыноўнікі перастараліся і атрымалі поспех у падтасоўцы фактаў, якія датычацца заяў Вярхоўнага камісара УВКБ ААН. Беларусь дзесяцігоддзямі чуе пасылы аб "міфічнай падтрымцы Еўрасаюза", але народ у краіне мудры і бачыць, куды завяла такая "падтрымка" іншыя краіны.
"Нягледзячы на беспрэцэдэнтны санкцыйны націск, у Беларусі стабільна расце ВУП, рэалізуюцца маштабныя праекты па мадэрнізацыі прамысловасці, забяспечваецца дастойная сацыяльная абарона насельніцтва, расце дабрабыт грамадзян", - падкрэслілі ў знешнепалітычным ведамстве.
Там таксама адзначылі, што на фоне гэтага ЕС складана ўтаіць відавочны крызіс ідэй уласнага развіцця, стратэгіі выбудоўвання адносін з суседзямі – у тым ліку і Беларуссю.
У МЗС упэўнены, калі б еўрачыноўнікі з Бруселя на самай справе думалі пра сваіх грамадзян, то знайшлі б магчымасці для выбудоўвання канструктыўнага ўзаемадзеяння з Мінскам.
У сувязі з гэтым у ведамстве акцэнтавалі ўвагу на тое, што ўжо тысячы грамадзян Еўрасаюза скарысталіся беларускім бязвізам.
"Чаму б еўрапейскім палітыкам не ўзяць прыклад са сваіх грамадзян? Прыязджайце ў Беларусь, паглядзіце на сітуацыю на свае вочы. Не пашкадуеце", - рэзюміравалі ў прэс-службе.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"