МІНСК, 12 жні – Sputnik. Расійскі ўрад падрыхтаваў законапраект, паводле якога дзеянне АСАГА пашыраецца на тэрыторыю Беларусі, заявіў прэм’ер-міністр РФ Міхаіл Мішусцін падчас нарады з віцэ-прэм’ерамі.
Таксама будзе захавана магчымасць выкарыстання электроннага дакумента, а дзейнічаць гэты механізм пачне з 1 кастрычніка 2024-га.
"Урад падрыхтаваў законапраект, які дазволіць уладальнікам аўтамабіляў пры жаданні пашырыць пакрыццё АСАГА і на тэрыторыю Беларусі", - сказаў кіраўнік расійскага ўрада.
Мішусцін удакладніў, што уладальнікам машын не трэба будзе плаціць за дадатковую страхоўку, так як кампенсацыі пры ДТЗ будуць уключацца ў існуючую страхоўку.
Прэм’ер дадаў, што гэты варыянт павінен палегчыць паездкі аўтатранспартам у Беларусь, у тым ліку для прадпрымальнікаў і турыстаў.
Адзінае АСАГА
Праца ў рамках стварэння адзінай "аўтаграмадзянкі" паміж Беларуссю і Расіяй вядзецца з сакавіка 2021 года. Распрацоўка мадэльнага заканадаўчага акта – гэта даручэнне спікера Дзярждумы РФ Вячаслава Валодзіна і спікера Палаты прадстаўнікоў Нацсходу Беларусі Уладзіміра Андрэйчанкі.
Плануецца, што рэжым страхавання адзінага поліса АСАГА будзе распаўсюджвацца толькі ў межах Саюзнай дзяржавы – гэта значыць у Беларусі і Расіі. Афармляць дадатковыя страхоўкі на мяжы накшталт "Зялёнай карты" не давядзецца.
Чакаецца, што цана адзінага АСАГА не перавысіць кошт існуючых полісаў на рынку страхавых паслуг.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"