МІНСК, 15 жні – Sputnik. Прэзідэнт Беларусі Аляксандр Лукашэнка назваў вар’яцкім рашэнне ўлад Літвы аб забароне ўезду легкавых аўтамабіляў з беларускімі нумарамі на тэрыторыю рэспублікі.
У чацвер кіраўнік дзяржавы даў інтэрв’ю тэлеканалу "Россия", у якім закрануў шэраг важных пытанняў, у тым ліку палітыку Вільнюса.
"Вар’яты. Я на вашым месцы многія б пытанні, якія датычацца Літвы, і не каменціраваў. Таму што яны не ведаюць самі, што робяць. Гэта вар’яты, самыя сапраўдныя вар’яты", - цытуе словы Лукашэнкі БелТА.
Беларускі лідар адзначыў, што, калі б у Літве былі адказныя палітыкі, можна было б нешта абмяркоўваць, але там такіх людзей няма.
На думку прэзідэнта, з пункту гледжання эканомікі ў гэтай забароне для Беларусі нават ёсць плюсы – беларускія грамадзяне перастануць вывозіць грошы за межы краіны.
"Грошы застануцца тут. Гэты так званы эканамічны турызм – гэта вялікія сродкі, якія вывозіліся адсюль", - падкрэсліў ён.
Уезд у Літву ўсіх легкавых аўто, зарэгістраваных у Беларусі, будзе забаронены з 16 жніўня. Дадзеная забарона распаўсюджваецца на легкавыя машыны незалежна ад грамадзянства ўладальніка ці вадзіцеля. Легкавушкі з беларускімі дзяржнумарамі, якія зараз знаходзяцца ў Літве, павінны пакінуць краіну да 18 студзеня 2025 года ўключна. Пасля гэтай даты тыя, хто кіруе легкавымі аўто з беларускімі нумарамі ў Літве, будуць лічыцца парушальнікамі – іх чакаюць штрафы і канфіскацыя машыны.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"