МІНСК, 15 жні – Sputnik. Кіраўнік беларускай дзяржавы Аляксандр Лукашэнка заклікае завяршыць канфлікт на тэрыторыі Украіны за сталом перагавораў.
У інтэрв’ю тэлеканалу "Россия" прэзідэнт прапанаваў "скончыць бойку" і сесці за стол перагавораў, бо гэты канфлікт, паводле яго слоў, не патрэбен ні ўкраінскаму народу, ні расіянам, ні беларусам.
"Яна (бойка - Sputnik) патрэбна ім. Я не магу прывесці гэтыя факты, яны абсалютна закрытыя, дзе яны ў адкрытую кажуць – высокапастаўленыя людзі. Даслоўна: "Няхай б’юць адзін аднаго – украінцы, рускія – няхай у гэтым катле ўсё здохнуць", - распавёў Лукашэнка, яго словы прыводзіць БелТА.
Пры гэтым ён дадаў, што гэтыя высокапастаўленыя асобы – амерыканцы.
"Гэта што, нармальна? Яны хочуць, каб мы адзін аднаго знішчылі", - дадаў Лукашэнка.
Раней прэзідэнт Беларусі заяўляў, што сярод кіеўскага кіраўніцтва ёсць асобы, з якімі можна весці дыялог. Пры гэтым ён адзначаў гатоўнасць расійскага боку да перагавораў па Украіне.
"Расіяне гатовы садзіцца за стол перагавораў і дамаўляцца. Абмяркоўваць і дамаўляцца", - падкрэсліў тады прэзідэнт.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"