Усяго ва ўзвядзенні легендарнага БАМа ўдзельнічалі два мільёны чалавек. Сярод іх было нямала беларусаў. Некаторыя з іх паўстагоддзя таму стварылі на будаўніцтве магістралі сем’і. Таму многія ветэраны прыйшлі на ўшаноўванне парамі. Былі сярод іх і тыя, хто да гэтага часу жыве на БАМе, а зараз спецыяльна прыехаў на радзіму, каб сустрэцца з сябрамі.
У Мінску яны паразмаўлялі не толькі са сваімі аднагодкамі, але і з маладымі беларусамі, якія ў наш час таксама працуюць у будатрадах.
"На ваш век таксама хопіць чыгунак і будоўляў. БАМ пастаянна пашыраецца і паляпшаецца", - падбадзёрыў моладзь легендарны БАМавец, герой сацпрацы Вячаслаў Аксёнаў.
Некаторыя маладыя людзі таксама былі ўзнагароджаны памятнымі падарункамі.
Перад прысутнымі выступілі прадстаўнікі пасольства Расіі ў Беларусі і Рассупрацоўніцтва. Было зачытана прывітанне ад расійскага пасла Барыса Грызлова.
"БАМ з’яўляўся сапраўды ўсенародным праектам. Над яго распрацоўкай працавалі калектывы соцень прадпрыемстваў, навукова-даследчых інстытутаў, праектных арганізацый з усіх рэспублік Савецкага Саюза, у тым ліку – з Беларусі", - сказана ў звароце дыпламата.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"