МІНСК, 26 жні – Sputnik. Расійскія вайскоўцы нанеслі ўдар высокадакладнай зброяй па крытычна важных аб’ектах інфраструктуры Украіны, паведаміла прэс-служба міністэрства абароны РФ.
У расійскім абаронным ведамстве ўдакладнілі, што масіраваны ўдар быў нанесены пры дапамозе зброі вялікай далёкасці, як паветранага, так і марскога базіравання.
Таксама для паражэння крытычна важных аб’ектаў энергетычнай інфраструктуры, якія забяспечвалі работу ўкраінскай абаронкі, ваенныя выкарыстоўвалі ўдарныя беспілотнікі.
"Усе прызначаныя цэлі знішчаны", - асабліва адзначылі ў Мінабароны РФ.
Раней расійскае абароннае ведамства адчыталася, што за мінулую ноч сродкі СПА перахапілі і знішчылі шмат украінскіх беспілотнікаў самалётнага тыпу.
У прэс-службе адзначылі, што з іх дапамогай украінскія вайскоўцы хацелі правесці тэрарыстычную атаку на аб’екты на расійскай тэрыторыі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"